帶你進入《聖劍Online》夢工場揭開遊戲另一面

目前所在位置：Heha遊戲網 >> 新遊戲頻道 >> 聖劍Online

作者：GameOne

來源：官方提供

發佈時間：2011-01-17

　　Hi Hi~ 各位勇者大家好！我係香港版《聖劍Online》聖劍封印者「仇柏謙」，嘩哈哈！(自我幻想中...) 早前官網講過官方團隊曾經前往開發商「中華網龍」既研發總部開會，小編有幸隨隊前行，所以先有機會同大家揭露《聖劍Online》不為人知既一面。唔講咁多啦，立即出發，去片！！

我地第一站黎到開發商「中華網龍」的大樓門口 - 所羅門大樓，位置清幽，風景..... (下刪一百字) 不過令到小編震驚既係原來中華網龍唔只得一層，原來有五層，睇黎棟樓要改名啦！

我地去既係五樓，一出Lift就見到大大個中華網龍Logo，深入龍穴現在開始！！

一轉過彎就見到待客處有一個擺滿《聖劍Online》既精品，當中有耳筒、Keyboard、HardDisk，仲有電單車頭盔！真係又要威又唔怕冇頭盔轉戴！

之後黎到《聖劍Online》的研發部門，各位員工都好積極咁測試遊戲，又會到各大論壇睇下玩家的意見，希望遊戲都可以迎合各位玩家的需求，做到盡善盡美。

大家見到既就係遊戲既開發情況，好似圖中所見，呢位員工就o係度設計緊武器啦！

岩岩個張就係武器既外觀，其實內裡係咁既！係由好多條線組合而成！

大家又知唔知呢個畫緊畫既係乜水黎呢？

佢就係《聖劍Online》2D美術部總監，著名插畫家 - 毅峰！大家平時o係遊戲入面見到既插圖大部份都係佢用心繪畫出黎架！

由毅峰畫完插畫之後，就會交俾第2位同事開始負責遊戲中既角色設計。

呢位同事就係坐o係毅峰架黎，係負責遊戲場景既。見到佢有個架用黑布遮住，小編都忍唔住問下佢點解？！佢話因為唔想D地圖顏色唔一致，所以要遮住D光，方便對清楚。

發現草泥馬！！！

小編係研發部遊遊下發現到呢本《聖劍》畫集！

梗係第一時間搵攝影師影低佢俾各位玩家一齊欣賞！圖中就係兩大陣營中既英雄介紹。

而呢D就係遊戲中英雄既一部份，大家可以叫佢地做魔物，都係可以俾大家捉黎一齊戰鬥架！

之後網龍既同事帶左地我地去CG影片製作部，更俾小編見到一段未公開既片段，不過因為未公開得，所以小編都冇辦法o係度登俾大家睇。/o\

之前公開既兩大陣營動畫，就係由佢地製作出黎。

　　今次既旅程就差唔多啦，岩岩同事仲話俾小編知，香港版《聖劍Online》聽日就會開放公測主程式下載，各位準備加入《聖劍》既勇者，記得預早下載，唔係到時公測先黎下載，就要同人搶線慢慢下載架啦！

0	0	0	0	0	0	0	0
噁心	愤怒	強贊	感動	路過	無聊	雷囧	關注	推薦此文章