有打開機既玩家，相信都會到遊戲官網睇新料，順手拎埋Wallpaper做桌面，之但係你又知唔知下載果幾秒背後投入左幾多時間呢？到底人設美工係唔係好似大家諗咁，劃幾筆上色就得呢？

記：《PC Game Weekly》編輯 白特約雲
濤：《夢幻古龍》遊戲監製 阿濤 (研發老大)

記：【人設打造】人設係《夢幻古龍Online》既靈魂所在，你地係以咩作參考，打造既關鍵元素又係咩呢？

濤：由於我地一早已經定好左《夢幻古龍》走Q版風格，可愛同美觀既人物造型係一個吸引玩家既重要因素，所以我地都好著重人物設定同風格，最初開始既時候，我地亦先從人物設定開始做起。

　　風格方面，初設係比較偏向日本風，而且人物係3頭身比例，之後不斷改，直至變為宜家既4頭身角色... 人物細節我地都係依照《古龍》小說中對人物既描述，性格、背景等作依歸。由於有D古龍角色實在太深入民心，所以我地有時都會參考一下電視劇集同電影入邊既造型，特別係衣飾、細節等部份，從而令人物更具武俠感。

打造人設係極花時間既工序之一 【男刺客】

記：【誘人之處】跟其他同類遊戲對比，你覺得《夢幻古龍》人物(人設)最獨到同吸引既地方係咩呢？

濤：《夢幻古龍》人物(人設)最獨到同吸引既地方，一定係佢既「精美」，雖然人物係Q版，但係大家只要留意下人物既衣飾、武器等，可以見到好多細節位我地都好用心咁雕琢，所以出黎既感覺，先可以做到既可愛，又獨具中國同武俠氣質既角色。

初設的確係幾筆，但之後就好花時間。 【陸小鳳】

記：【開發難題】上期講到人設呢部份有唔少商討，咁落手開發時有無咩特別困難既地方呢？

濤：其實就無咩特別困難既地方既，反而係前期風格設定果陣會用多左時間，因為果陣美術部既同事需要用較長時間去嘗試各種風格，咁先可以搵到大家心目中最好既風格出黎，我地試過既風格包括日式、中式、2頭身、3頭身、4頭身比例等，要o係角色「可愛」、「精美」、「有型」等各方面取得一個平衡點，而且要確保風格係大部份玩家既喜好咁先得架。

記：【製作後感】開發時有無發生過咩趣事？

濤：大家可以留意下圖兩個女刺客既造型，最後都係採用左衣著較為「性感」既一個，呢個係開發部大部份同事都同意呢！(亦證明左開發部主要都係男性，XD！)^^

下期預告：
場景對於隻Game係唔重要？

　　好多玩家都話遊戲既世界觀同場景係無關重要，但對開發黎講，呢個偏偏係重點所在，好多野都建立響呢個框框之上，想知道更多，記得留意日後既報導啦！《夢幻古龍》現正進行封測，欲得知更多有關遊戲的詳情，請密切留意官方網頁啦！

夢幻古龍：http://qgl.gameone.com