記：《PC Game Weekly》編輯 白特約雲
濤：《夢幻古龍》遊戲監製 阿濤 (研發老大)

記：雖然《古龍》係一個唔錯既遊戲主題，但除左一眾主角之外，好多配角既細節同背景資料亦欠奉，當你地打造呢D同伴既時候，又係點樣為空白位著色呢？

濤：其實要講《古龍》既角色，相信大家都會認識一大堆，其實大家留意下呢埋最多人知既角色，好多都唔係小說的第一主角，例如西門吹雪、胡鐵花、中原一點紅、老實和尚等等，就憑呢點大家就可以知道，古龍小說入面除左一眾主角之外，好多配角既性格、背景都好獨特、好鮮明；有D配角有時仲搶戲過D主角添。

　　至於佢地既背景資料細節，雖然唔係個個背景都可以係小說入面搵度，但最緊要既「人物性格」，就一定可以o係故事劇情入面感受到，我地覺得背景資料唔係最緊要既，最緊要既仲係人物既「靈魂」，呢個亦係古龍小說既其中一個魅力所在。

記：刻劃完人物細節之後，你地又係點決定人物既路向(如人物特性、職業取向、技能設定)既呢？當難以取捨時，有無諗過用骰仔做決定？

濤：正如頭先所講，角色既然有左靈魂，之後要設定佢既特性、職業取向、技能等就會變得得心應心，因為我地都會對佢有左一個感覺，知道佢係屬於一個點樣既人(人物特性)，再加上佢既小小背景資料同出身(職業取向)，同埋一D佢用過既武器、招式(技能設定)，一個完整既同伴就可以初步建立出黎。跟著當然仲要同其他角色，同埋同玩家之間做一D平衡既調整，基礎已經定好左，平衡調整亦唔會有咩難度。

記：用骰仔做決定？

濤：一定唔會！因為所有設定既偏向，都有佢既好處同唔好處，只要衡量下邊一個既好處大於另一個既，就自然可以做度決定。骰仔只是「玩」遊戲既工具，唔係「做」遊戲既工具呢！

記：《古龍》角色眾多，響同伴設定呢方面，相信好多部份都需要分工打造，但每個開發既風格同喜好都唔同，作為總監既你，又係點維持質素同平衡？

濤：我地做呢個遊戲時既分工好多，其實「同伴系統」只係眾多分工既其中一個部份，其他系統好似「道具系統」、「戰鬥系統」、「技能系統」等等；同伴既設定反而唔會再細分比好多同事負責，主要既都係一兩位，所以如果獨立黎睇，同件系統係唔會出現你所講既問題。問題反而係各個系統之間既配合，呢個先係最難既，因為其實所有系統都有佢既關係，例如同伴都可以出技能，就牽涉到技能系統了。而作為監製或者統籌，其實就係要確保每個系統都可以配合到。

製作後感：最鐘意既角色(同伴)係邊個？
　　可能係受電影受電視劇既影響，自己最鐘意既角色係西門吹雪，無論外貌、性格、招式，都好Cool好型，完全係一個刀客既典範。(當然仲有因為我地《夢幻古龍》插畫果個勁型既造型啦

下期預告：
開發流程絕密公開

　　下次將會透露一些遊戲的密絕開發流程，各玩家萬勿錯過！香港版《夢幻古龍Online》公測已經一個多月，當中推出了超過10個OB活動，由挑戰小說大俠、收集小說抽稀有同伴、聖誕節活動、元旦活動等等，稍後更會推出更多方便玩家的貼心功能，欲得知更多有關遊戲的詳情，請密切留意官方網頁啦！

官方網頁：http://qgl.gameone.com
帳號註冊：http://qgl.gameone.com/guide_2.html
下載遊戲：http://www.gameone.com/download.html#QGL
遊戲專區：http://qgl.hehagame.com
本站討論區>>>>