關於升級：要想係遊戲入邊升級快，首先要將每日任務都清嗮，之后就係拎雙去到適合自己等級嘅地下城衝等，經驗多到飛起，前50級都只不過係兩三日搞掂，前提係你嘅雙要夠用，組返個穩定嘅打手隊伍。燒雙隊最好係搵D長玩ge玩家啦，add個公會會方便好多，起碼組隊快，互相比較有默契，人員配置組成哩我推薦一般為：3法師+1刀鬥士+1醫生，刀鬥士速度要快，出刀之後怪仔血少D，可以方便法師嘅核爆，醫生就負責睇住自己嘅隊友，唔好俾人瓜柴就OK。其實呢如果裝備好D嘅話，攻擊再高D，3下就可以清一批怪，效率超高。打怪打攰lo，可以一齊將每日活動任務做完，殺下BOSS，出到裝備仲可以賣返D錢添。
關於生產：個人認為目前呢個遊戲生產凈係適合群體玩家，或者啱D有錢仔練，普通玩家仲係老實點升級做任務好過。因為後期生產需要嘅金幣實在係高的離譜。
關於BB：珍品寶寶我都依家都沒見過，良品嘅仲係40禮包開到，殺怪時可以見到良品嘅幾率就好似買彩票咁，超低！不過哩次公測版本更新，唔知有冇提高。仲有就是寶寶嘅煉化，需要7000親密值！據我所知我地個ser到目前仲未有煉化過寶寶嘅強人出現。升級過程中寶寶仲係選擇攻擊型為主好D，筋骨元神等類型嘅，如果你係法師就練個元神，係戰士就練個筋骨，加點全部加嗮攻擊。但是係殺一D大型BOSS嘅時候，個人仲係建議各位有必要練返個好點個血寵，防高，血多，抗怪邦邦聲。$大把嘅當然例外la，直接元寶收珍獸卷，然之後洗資質，打技能書....有錢好啊。
關於裝備：打怪出到裝備咁係最好，師門副本，BOSS都可以打到藍裝。如果實在冇咁嘅運氣，就去做點任務啦，每個等級嘅綠裝都係可以通過做任務得到噶，40有個藍武器嘅任務好唔錯，建議搞掂巨。假如你打怪都冇打到你用嘅，又唔想嗮時間做任務嘅話，咁就去拍賣行搵搵。我每日都係凌晨12點去嗰度淘寶，然後朝早8點再淘一次，去嘅次數多咗，不但只可以買到自己想用嘅，仲可以做埋倒賣嘅生意。
關於裝備強化：50前裝備+3就夠了，武器+4.當然你係有錢人除外。50+後升LV慢咗，裝備可以全強5就強化到5啦，對升LV好有幫助，仲方便你擂臺秒人，做咩事都咁方便，Yeah！
寫得比較粗糙，具體操作仲係要靠大家系Game入邊自己慢慢體會，希望大家玩得開心。 by MT |
作者：Heha遊戲網 
來源：Heha遊戲網 
發佈時間：2011-08-04